11 TEMBANG MACAPAT NGENANI KONSERVASI

1.      SM Pocung laras slendro Pathet Manyura

Urip ikisa mesthine kudu udhu

Ora mung manungsa

Sing ana ing Jagad iki

Alas kewan kabeh padha butuh mangan

2.      SM Durma Suragreged, Laras slendro Pathet Sanga

Para warga nyengkuyung anandur wit witan

Supaya nambah asri

Bumi ora panas

Dimen pedhute sirna

Pedhut kang asale saka pabrik

Padhang sumilak

Gumilar katon resik

3.      SM Kinanthi Laras Pelog Pathet Barang

Banget senenge atiku

Kala weruh banyu kali

Rasane anggawe bungah

Saya nentremake ati

Konservasi ning lingkungan

Bumine dadi aman

4.      SM Asmaradana – Jakalola Laras Pelog Pathet Barang

Lamun bisa sami njagi

Karesikane lingkungan

Asri endah panyawange

Seger waras padha sehat

Bisa marakake mulya

Apa maneh warga rukun

Bisa nambahi santosa

5.      SM Gambuh Natakusuman Laras Pelog Pathet Nem

Ayo padha nyengkuyung

Kampungku kang subur

Yen wis subur, gawe tentrem ati iki

Luwih becik yen nyengkuyung

Padha ngarsa santoso

6.      SM Mijil Laras Pelog Pathet Nem

Mirengake kemricike kali,

Reged saya katon

Ora endah panyawange dhewe

Mula ayo kanca padha njagi

Resike loh iki

Kang dadi nyawamu

7.      SM Pangkur, Laras Slendro Pathet Sanga

Gugur gunung kampung kita

Ora nyawang Tua enom putra lan putri

Kita kudu gugur gunung

Brayan seneng lan susah

Ojo sapenake dhewe thengak thenguk

Supaya asri lan endah

Njaga kampung sami sami

8.      SM Sinom Laras Pelog Pathet Barang

Sinom Jamane wis saya tuwa

Kita kudu gelem njagi

Supaya tambah sentosa

Banyu alas tuwin bumi

Kanggo cagaking urip

Tumraping anak putu

Sumrambah para warga

Kabeh bisa anemoni

Kabagian lahir lan batin ing donya

9.      SM Megatruh Laras Pelog Pathet Barang

Ayo kanca, nandur uwit, kanthi tukul

Kanggo nglangsungake urip

Karo waris anak putu

Ayo kanca padha njagi

Dimen alas dadi katon

10.  SM Dhandhanggula Maskentar (Subasiti) Laras Slendro Pathet Sanga

Kumriciking banyu banyu kali

Agawe renaning kang miyarsa

Muga bisa salawase

Kalis rereged uwuh

Uga saka limbahe pabrik

Iwak iwak sesliweran

Merga seneng ing kalbu

Panggonane gilar gilar

Adoh kalis ing sabarang penyakit

Banyune kimplah kimplah

11.  SM Maskumambang Laras Pelog Pathet Nem

Konservasi, ora namung nandur uwit

Resike lingkungan

Becik gawe moncer Bumi

Elingo yo podho konco

Dening : Lis Iga Rosika & Bp. Sukri, S.Pd